Moqdishu, (insidesomalia.org) - Kadib dagaal socday muddo saacado ah ayaa Ciidamo Itoobiyaan ah oo ku sugnaa Xeradii Maslax ee Duleedka Suuqa Xoolaha waxaa lagala wareegay fariisin ay halkaas ku lahaayeen.

Xeradii Maslax oo ay in muddo ah ku sugnaayeen Ciidamo Itoobiyaan ah ayaa haatan waxaa ku sugan Kooxaha ka soo horjeeda Dowladda Federaalka KMG ah ee Soomaaliya iyo Joogitaanka Ciidamada Itoobiya ee Dalka Soomaaliya, iyadoo Ciidamadii Itoobiyaanka ahaa ee halkaas ku sugnaana ay ku biireen Ciidamo kale oo Itoobiyaan ah oo ku sugan Xarunta Warshaddii Baastada.

Dagaalkii saaka ka bilowday Deegaanka Suuqa Xoolaha ayaa haatan waxaa lagu soo waramayaa in uu u soo wareegay dhinaca Xaafadda SOS iyo agagaaraha Xaruntii Warshadda Baastada, iyadoo Ciidamada Itoobiyaanka ah ee halkaas ku suganna ay Madaafiic ku duqeynayaan xaafadaha SOS, Waxar Cadde iyo Xaafadaha kale ee u dhow.

Khasaaraha ka dhashay Dagaalkii maanta ka dhacay Deegaanka Suuqa Xoolaha ayaa waxaa ku geeriyooday inta la xaqiijiyay 12 ruux oo isugu jiray dad Rayid ah iyo labadii ciidan oo dagalka udhaxeeye.

Xerada Maslax ayaa waxay ka mid ahayd fariisimo dhowr ah oo ay Ciidamada Itoobiyaankaa ay degeen wixii ka dambeeyay markii uu soo dhamaaday Dagaalkii ay dadka badan ku dhinteen ee Muqdisho ka dhacay Bilihii Maarso iyo April ee sanadkii nagatagey.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment